په هلمند کې لس وسلوال ووژل شول


لښکرګاه (پژواک ١٦ مرغومى ٩١): امنيتي چارواکي وايي، چې په هلمند کې د ځينو عملياتو پر مهال ١٠ وسلوال طالبان وژل شوي او اته نور نيول شوي دي.

په هلمند کې د ٢١٥ ميوند قول اردو د عامه اړيکو مسوول ډګرمن محمدرسول ځاځي د مرغومي په ١٦مه پژواک اژانس ته وويل، چې تېره ورځ د ملي اردو د کومانډو کنډک سرتېرو په کجکي ولسوالۍ کې عمليات ترسره کړي دي.

د ده په خبره، چې د کجکي ولسوالۍ په بېلابېلو سيمو کې د يادو عمليات په لړ کې نهه وسلوال مخالفين وژل شوي دي.

نوموړي زياته کړه، چې دغه راز تېره شپه هم د هلمند د ناوې ولسوالۍ په مربوطاتو کې د ملي اردو د سرتېرو له خوا عمليات ترسره شول.

د هغه په وينا، د دغو عملياتو په ترڅ کې يو وسلوال طالب وژل شوى او اته نور ژوندي نيول شوي دي.

ځاځي وويل، د يادو عملياتو پر مهال د دوى سرتېرو او ملکي وګړو ته زيان نه دى اوښتى.

وسلوالو طالبانو په دې اړه څه نه دي ويلي، خو طالب وياند قاري يو سف احمدي وايي، چې د هلمند په ځينو سيمو کې يې د ماين چاودنو بهرنيو ځواکونو ته مرګ ژوبله اړولې ده.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: