مزارشريف کې ٩٠ پوليس مسموم شوي


مزارشريف (پژواک ٢٠ مرغومى ٩١): د بلخ دولتي چارواكي وايي، چې تېره شپه د دغه ولايت په مركز مزارشريف ښار كې د شمال زون د ملي پوليسو په اكاډمۍ كې ۹۰ پوليس مسموم شوي دي.

د بلخ د والي وياند منير فرهاد د مرغومي په ۲۰مه پژواك خبري اژانس ته وويل، چې تېره شپه د شمال زون د پوليسو په اكاډمۍ كې ځيني پوليس په ناڅاپي توګه بې حاله غوندې شول.

نوموړي زياته كړه، چې تر لږې شېبې تېرېدو وروسته نور پوليس هم له دغسې يو حالت سره مخ شول او د شپې تر ناوخته يې شمېر ۹۰ تنو ته ورسېد.

د هغه په وينا، په مسموم شوو پوليسو كې ۴ استادان او پاتې يې سرتېري وو.

د والي وياند وويل، د شپې مهال ټول مسموم شوي پوليس د بلخ ملكي روغتون ته ولېږدول شول او درملنه يې تر سهاره پورې بشپړه شوه.

نوموړي زياته كړه، چې دمګړۍ د ټولو پوليسو روغتيايي حالت د ډاډ وړ دى.

د هغه په وينا، لومړنۍ څېړنې ښيي، چې په ازاده هوا كې د يو ډول موادو د خپراوي له امله ياد پوليس مسموم شوي وو.

خو فرهاد وويل، لا هم سمه نه ده معلومه، چې څه ډول مواد و او له كومه ځايه خپاره شوي دي.

نوموړي زياته كړه، چې د مسموم كېدو بنسټيز لامل لا هم نه دى معلوم؛ خو د كره معلوماتو د ترلاسه كېدو په موخه يې جدي څېړنې پيل كړې دي.

د بلخ د ملکي روغتون رييس ډاکټر غوث الدين انوري پژواک اژانس ته وويل چې تېره شپه دوى ته لسګونه پوليس راوړي شوي وو.

هغه زياته کړه چې تر لابراتواري معايناتو وروسته داسې هېڅ ثابت نه شول، چې ګوندې دوى دې مسموم شوي وي.

ډاکټر انوري وويل چې دوى وېريدلي غوندي وو او تر لومړنۍ درملنې وروسته بېرته ټول رخصت شوي دي.

د يادې پېښې په اړه مو د شمال زون د پوليسو د اكاډمۍ له مسوولينو څخه د نظر غوښتنه وكړه؛ خو له څه ويلو يې ډډه وكړه.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: