په کندهار کې ٥٠٠ جريبه مځکه له کوکنارو پاکه شوه


په کندهار کې ٥٠٠ جريبه مځکه له کوکنارو پاکه شوه د کندهار په ژړۍ او ميوند ولسواليو کې د کوکنارو کښتونو پر ضد د پيل شوي کمپاين پرمهال تېره ورځ ٥٠٠ جريبه مځکه چې ترياک پرې کرل شوي وه واړول شوه او له دغه ناوړه بوټي څخه پاکه شوه. د کندهآر د مطبوعاتي دفتر څخه خپره شوي خبرپاڼه وايې چې ، د کوکنارو اړولو ياد شوى کمپاين تېره ورځ د ژړۍ ولسوالۍ په ماکوانو، دېوار، کاريز او د سنګسار سيمي د ملا عمر په کليو کي شوى چي پکښي ٢٦٣ جريبه مځکه له کوکنارو پاکه شوې او پرمهال يې کمپاين کوونکي له کوم ډول امنيتي ستونزي سره نه دي مخامخ شوي. سرچينه وايې چې ، د ژړۍ ترڅنګ تېره ورځ په ميوند ولسوالي کې هم د ترياکو څخه د مځکو پاکولو لړۍ دوام درلود او د تيري ورځي د کمپاين په نتيجه کي ٢٣٧ جريبه مځکه پاکه شوې او پکښي د کوکنارو ټول کښتونه اړول شوي دي. د خبرپاڼي په حواله چې ، د ميوند ولسوالۍ د تيري ورځي کمپاين هلته د سنبرګ په نامه، په يوې ليري پرتې ساحې کي شوى چي په ترڅ کي يې يو شمېر مافيايي ډلو پر کمپاين کوونکو وسلوال بريد هم کړى او يو ملي پوليس يې زخمي کړى دى. ميوند ولسوالي د کندهار ښار لويديځ خواته د هرات-کندهار پر لويه لاره په ٧٠ کيلو ميترۍ کې موقعيت لري چې د هلمند ولايت سره سرحد لري .

© http://benawa.com/details.php?id=53931#ixzz2MsdRdzwf

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: